אייזן שטארק -אמונה פשוטה אונטרען אייזערנע פורהאנג

“קינדערלעך, עטץ זאלטס אייביג געדענקען אז עס איז דא א גרויסער באשעפער, און ער האט אונז געגעבן די הייליגע תורה. אן דעם לוינט זיך נישט צו לעבן אפילו איין מינוט!”

דאס זענען די ווערטער מיט וואס ר’ יעקב חיים רוטנער ז”ל האט אויפגעצויגן זיינע קינדער, מיילעך און משה לייב, פון ווען זיי געדענקען.

מיט די ווערטער האט ער אריינגעלייגט אין זיי די מורא’דיגע ‘אייזן שטארקע’ כוחות פאר דעם מסירות נפש’דיגע קאמף וואס זיי האבן כסדר געפירט פאר יעדע אידישע זאך אין די ‘קאמוניסטישע מונקאטש’.

אין די בוך וועט איר קענען לערנען דעם צדיק און קדוש רבינו חיים זאנוויל אבראמאוויטש זי”ע, דער ריבניצער רבי, וואס איז געווען די ליכט-טורעם פאר די רוסישע אידן מיט זיין אויסטערלישע מסירות נפש.

איר וועט זיך באקענען מיט ‘חמה’ – א ליובאוויטשער אונטערערדישע ארגאניזאציע וואס האט אנגעפירט אן אונטערערדישע ישיבה, אזוי ווי ביי די ‘חשמונאים’.

ווען ‘משפחת רוטנער’ און אויך דער ריבניצער רבי’ זענען מיט גרויסע ניסים ענדליך ארויסגעקומען אויף די פרייע וועלט, האט ר’ משה לייב רוטנער זוכה געווען צו א זעלטענע קרבות פון זיין הייליגע דבי, אויך האט ער זוכה געווען צו העלפן אנדערע אידישע קינדער פועל’ן ישועות. – דעם רבי’נס זכות זאל מגין זיין פאר אונז אלע.